Vörur
Fyrirtækjagjafir
Suðurlandsbraut 30, 4. hæð
Sími: 577 5600
[email protected]
Opið frá 9-15 alla virka daga.
Sumaropnun 9-14 alla virka daga.
Mega Zipline
Mega Zipline er lengsta og hraðasta sviflína á Íslandi og þótt víðar væri leitað. Línan sem er einn kílómetri að lengd er staðsett í Kömbunum við Hveragerði og fylgir Svartagljúfri frá efstu beygju í Kömbunum alveg niður að kaffihúsinu við upphaf gönguleiðarinnar inn í Reykjadal. Gilið er lítt þekkt náttúruperla sem skartar fallegum fossum og stórbrotnu útsýni. Línurnar eru tvær og liggja samhliða svo tveir geta tekið flugið í einu.
Mega Zipline tekur á móti eftirfarandi Óskaskrínum
Áhugavert
Reykjadalur er einn vinsælasti áfangastaður suðvesturlands – margrómaður fyrir náttúrufegurð og heit böð. Fjölmargar frábærar gönguleiðir eru á svæðinu og í Hveragerði er að finna eina fallegustu sundlaug landsins, veitingastaði og hótel.
Gott að vita
Þjónustuhús Mega Zipline er staðsett í hinum nýopnaða Skála í Reykjadal sem er upphafs og lokapunktur heimsókna í Reykjadal. Í þjónustuhúsinu hefst flugið og þar er einnig hægt að kaupa myndbönd að flugi loknu og gjafavöru. Í Skálanum er hægt að grípa með sér kaffi og bakkelsi eða setjast niður og borða í huggulegu umhverfi með útsýni inn Reykjadalinn. Þetta er tilvalinn staður fyrir fleiri ævintýri í nágrenni Hveragerðis.
Staðsetning
Mega Zipline, Árhólmar 1, 810 Hveragerði