Qigong lífsorka og gleði

Qi (Chi) er hrein tær lífsorka í allri náttúrunni. Qigong æfingar og hugleiðsla hafa góð áhrif á líkama og sál. Þær eru einfaldar og allir geta gert og notið þeirra. Þú byggir upp jákvætt hugarfar og styrk til að standa óhræddur með þér í dagsins önn. Ástundun Qigong hefur góð áhrif á samskipti, eykur hugarró og einbeitingu.

Qigong lífsorku-æfingarnar hafa verið stundaðar í Kína í yfir 5000 ár. Æfingarnar byggja á djúpri öndun, hugleiðslu og hreyfingu. Þær opna á orkubrautir og losa um andlega og líkamlega spennu. Æfingarnar og hugleiðslan eru ein besta leiðin til að viðhalda heilsu og lífsgleði.
Þorvaldur Ingi Jónsson kennir og leiðir Qigong lífsorkuæfingarnar.