Volcano Trails - Þórsmörk

Volcano Trails í Húsadal Þórsmörk bjóða upp á gistingu og veitingar á besta stað í Þórsmörk.
Boðið er upp á gistingu í Glamping lúxustjöldum, kvöldverð á Lava grill og morgunverðahlaðborð. Aðgangur að sturtum, gufubaði og náttúrulaug er innifalinn í gistingu.
Þórsmörk er ævintýraheimur göngufólks og náttúruunnenda á öllum aldri. Landslagið er ægifagurt og mótast af samspili eldfjalla, jökla, skóga og jökuláa sem móta útsýnið til allra átta. Frá Húsadal liggur fjöldi gönguleiða um Þórsmörk og Goðaland. Glamping Lúxustjöldin okkar eru frábær kostur fyrir alla þá sem vilja upplifa náttúru Þórsmerkur með smá lúxus. Tjöldin eru útbúin með uppábúnum rúmum og húsgögnum til að hafa það notalegt. Tjöldin eru upphituð með stillanlegum rafmagnsblásara sem heldur jöfnu og þægilegu hitastigi í tjaldinu. Veitingastaðurinn, barinn og sameiginleg sturtur, gufubað og salernisaðstaða er staðsett örstutt frá tjöldunum. Hægt er að sitja úti við tjöldin með drykk í hönd, orna sér við varðeldinn og njóta útsýnisins.